جوغرافیایی یئرلشمه سی:

گوللی کندی(گللو) ایران آذربایجانئ نین اردبیل اوستانئ نین نمین رایونون دا یئر سالان بیر گوزل و تاریخ بویو یاشایان بیر کند سایئلیر.بو کند نمین رایونونون اورتاق(مرکزی) بخشی نین ،  قوزی(شومالی) ویلکیج ماحالیندا یئرله شیب. بو کندین جاماعاتئ آذربایجان تورکجه سینه دانئشیرلار.
گوللی کندی نمین شهری نن 14 کیلومتر و اردبیل شهری نن 34 کیلومتر آراسی وار.
بو کند اردبیل دوزئ(دشت) و فئندیقلئق مشه لری یاخینلئقیندا واقع اولوبدئ. کندین اولوسئ(خالقئ) چوخلوجا اکینچیلیک و مال داوارلئق ایشین ده چالئشیرلار.
بوغدا،آرپا،مرجی،نوخود،قره دنه و یونجا او جومله اکین محصول لارین نان سایا گلیر لر.

کندین تاریخی گئچمیشی

اسکی چاغینا قاییدان،بویوک تپه کی کند لیلر آراسیندا ائله بو  آدا آدلانیر، بو کندین گوجلو گئچمیشینه ناظیر دیر. دئمه لی اولار،گوللی کندی قدیم چاغلاردا اوچ آیریجا کنده شامیل اولارمئش. بیری سی ائله ایندی گوللی کندینه شامیل اولور کی بویوک تپه نین دوشون ده یئر سالئب. باشقا ایکی کند ده،ایندی کی حالدا کندین اکینه جک کوشنلرینده واقع دیلر.بیری سی«کول یئری» ده و بیری سی ده ایکی چایین(مئشه آرخی و مئسا چایی) قوشولان یئرینده،بیر بالاجا تپه نین اوستون ده قرار تاپئب.

گوللی آدئ هاردان گلیب دی؟؟؟؟

گوللی کندی بونا گورا کی یان دوره سی چوخلئ سولار نان،قومارالانیب و نئچه چای و آرخ ، اطراف مئشه لر دن بو کنده آخیر؛ بو آدنان گئچمیش دن ایندی یه کیمین تانئلیر.
 او جومله چایلاردان کی بو گوله توکولور:
- مئسا(موسی) چایئ
- مئشه آرخئ
- آغدام چایئ
-  قره سو(سولو فصل لر ده آشیب داشلانیر و قاراما گولونه توکولور)

توپلوم دورومو(سیمای جمعیتی)

1390 اینجی ایلین سایئشینا باخاراق،گوللی کندی 140 ائو و 568 باشا شامیل اولور.